Somás dohkká guhte oahpaha

Somás dohkká
mas sámástit oahppá

Stoahkan lea vuođđoprinsihppa máná oahpaheamis. Ulbmil dohkáin lea ovddidit ja stimuleret máná giela stoahkama bokte. Dohkáin oažžu mánná buori vejolašvuođa ovddidit iežas giela ja motorihka. Dohkká sáhttá earet eará ovddidit gielalaš diđolašvuođa ja nannet doaba- ja giellaovddideami. Stoahkama bokte dohkáin oažžu mánná vejolašvuođa sihke individuála heiveheami ja sosiála interakšuvnna gulahallat earáiguin. Dohkáin sáhttá mánná stoahkat sihke ruovttus ja mánaidgárddis. Dohkká heive maid bures mánáide geain leat lassi dárbbut giellastimuleremii.

Deaddil mu julggiid, gieđaid, oaivvi, ja guldal! Dohkáin sáhttá mánná ovdamearkkadihte oahppat doahpagiid, loguid ja lávlagiid somás vuogi mielde, ja oažžu responssa dalánaga go deaddila rumašlahtuid. Dohkas leat modulat nu go alfabehtajietnadagat, sánit nu go rumašlahtut, lávlagat ja hoahkamat ja logut.

Sámi earenomášpedagogalaš doarjja, SEAD, mii lea oassin Davvi Statpedas, lea sáhttán čáđáhit dán prošeavtta Sámedikki ressursaid juolludeamin.

Prošeaktajoavku

Kirsten Wirkola, Solvår Knutsen Turi, Aasta Joma Granefjell, Tor Persen, Miriam Länta ja Tim Valio.
Dohkaid hábmen: Miriam Länta
Buvttahábmejeaddji: Tim Valio

Jienat:
Davvisámegiella: Inga Marja Sarre ja GLR
Julevsámegiella: Katarina Rimpi
Lullisámegiella: Ajno-Sööfe Kuhmunen, Katarina Rimpi ja Aasta Joma Granefjell

Váldde oktavuođa


Tim Valio, 993542806MVA, Suomaluodda 44, 9520 Guovdageaidnu. post@gielladohkka.no