Bassan
Dohká ii ábut bassat bassanmašiinnas, das lea elektronihkka mii ii gierdda njuoskat. Lassin dan elektronihkka boksai man siste leat batterat de leat boalut mat sáhttet billahuvvat jus njusket čađa. Jus dohkká duolvá de sáhttá baicca sihkkut njuoska linccun.

Dohkká sáddejuvvo jienain vuolemus dásis
Jietnadási sáhttá rievdadit: doala olgeš juolggi boalu siste vihtta sekundda, de loktana jietna ovtta ceahki, doala fas vihtta sekundda de loktana vel ovtta ceahki, okte vel doalat vihtta sekundda de manna fas vuolemus dássái.

Batterat
Dohkás leat guokte AAA battera dan vilges boksas mii lea dohká sealggis. Batterilohkki lea skruvvejuvvon gitta máná sihkárvuođa dihte. Bija fal skruvva fas sadjai ja čavge maŋŋelgo battera leat lonuhan.

Jáddadit
Dohkká lea nalde go sáddejuvvo, dan lea vejolaš jáddadit. Boallu mainna jáddada lea dan vilges boksas mii ihttá jus rahpa dohká sealggi.

Jus bártidat
Jus dohkká jávohuvva de geahččal álggos rahpat sealggi ja geahča leago dohkka nalde (čahppes boallu) ja ahte leago dat kabel sajis. Jus lea, de geahččal lonuhit battera. Jus de ii vel doaimma de váldde oktavuođa oktavuođaskovin vuolemusas váldosiiddus.

Dohkát leat CE dohkkehuvvon, dat mearkkaša ahte leat geahččaluvvon máŋggaládje sihkkarastindihte ahte eai galgga leat várálaččat mánáide.
Dohkát leat maid ROHS dohkkehuvvon, dat ges mearkkaša ahte elektronihkkii eai leat atnon várálaš ávdnasat, nugo ovdamearkkadihte ladju.